Po naszymu

- Starziku, wiela w Rybniku jest wszystkich tankszteli, umielibyście tak ongyfer pedzieć ?- Wiysz synku, mie to tam bardzo niy interesuje, ale widza, że przi kożdym skrziżowaniu, abo rondzie, stoji jakoś tanksztela, abo jom stawiajom.- Jo dzisioj ze synkami w klasie liczył i naliczyli my dwadzieściasześć.i przestali my dalij rachować, bo sie przerwa skończyła. Chyba jeszcze pora by my se wspomnieli.

› przeczytaj cały artykuł   › komentarze [0]

Zeżarty gybis

Wczoraj, jak żech szła po barchesy do piekorza, trefiyłach w ańfarcie Richusia. Miyszko wele nos w drugim familoku. Widujymy się dość czynsto, bo kiedy jo cisna rano do sklepu, on prawie wylazi ze swojim wilczurym na szpacyr. Zowdy piyknie pozdrowi, a nikiedy to se na chwila stanymy i podżistomy na lecyjakie tymaty. Tyn roz tyż pedzioł piyknie... „Dziyń dobry”, jednak kiedy wejrzałach na jego gymba, zdało mi się, że coś z niom je niy tak. Przeca Richuś mioł wdycki zymby na przodku, teraz zaś widać było yno miyjsce po nich i zarabowane lica. Zaroz tyz się kapnoł, że mu się dziwoko prziglondom, bez co zaczon mi klarować, co się stało. Wybroł się prawie do zymboka, coby mu zrobiył nowy gybis, bo tyn stary zeżar mu pies, kiedy niyostróżnie łostawioł go na stole, zamiast tak jak wdycki, w szklonce z wodom.

› przeczytaj cały artykuł   › komentarze [0]

Paniczka wiosna

Prziszła do miasta, paniczka wystrojono !W parkach przisiadła i w ogrodach.Bolerko biołe łoblykła i kecka zielono,Do tego boso boroczka, nic nimo na nogach.Sikorka jom wito: Widzi Pon ! Widzi Pon !I miyndzy astkami lipy sie uwijo.Szpok i odpedzioł: Widza jom ! Widza...

› przeczytaj cały artykuł   › komentarze [0]

„Wysoko data”

Do nastympnyj pynzyje zostoł cołki tydziyń, a jo już mom chnet prozny portmanyj. Jako teraz te pora dni przeżyć ? Pożyczyć łod somsiadki, abo bratówki ? Bołach u nich zołgać w tyj sprawie, ale prziszłach z niczym. Łonych tyż już tropiyła „wysoko data”.

› przeczytaj cały artykuł   › komentarze [0]

Śmiergus

Juzaś jedyn śmiergus przed nami Kaziczku, pamiyntom jak jeszcze niydowno musioł żech cie za rączka kludzić po sąsiadkach, a tyś sikoł wszystki dziołszki i zbiyroł żeś kroszonki do bojtlika. Teraz by cie było gańba tak chodzić po chałupach ze starzikiym, pra ?

› przeczytaj cały artykuł   › komentarze [0]

Wiosna

Wszycki ptoki som uż tukej,a bez wiosna ty jich szukej:kosy, drozdy i pinkawy,szpoki, czyże, sztyrnodel złotawy,szkowronki na niybie śpiywajom,a słowiki w krzach- se pszajomŚwiyrgotek ze świyrszczokym,Trefili se – nad potokym,Kulik, wodnik i karliczki,Ścinok,...

› przeczytaj cały artykuł   › komentarze [0]

HASIOKOWE HOŁDY

Od jakigoś czasu prziglondom sie hasiokom na naszym osiedlu i na to, co ludzie do nich ciepiom. Spomiarkowałach, że na wielokrotny użytek som już yno te zielone kastle na śmieci.

› przeczytaj cały artykuł   › komentarze [0]

Tulpy, nelki...

- Powiydz mi Kazik, czy teraz w osmego marca zaniesieszswojij rechtorce kwiotek?- Czamu bych i musioł kwiotek zaniyść, przeca urodziny modziepiyro w maju, a Dziyń Nauczyciela w pażdzierniku.

› przeczytaj cały artykuł   › komentarze [0]

Klachy

Chopy godajom, że baby to klachule i wrazitytki, a klachy to sposób kludzynio przez nos godki. Podług nich, jak sie dwie , trzi , a niy dej Boże wiyncyj babeczek zyńdzie, to już o niczym inkszym niy poradzom rzondzić, yno o somsiadach, kamratach, kamratkach i połowie dziedziny.

› przeczytaj cały artykuł   › komentarze [0]

Jak Małysz

Słyszeliście Starziku, że we Wiśle bydom budować nowo skocznia? Teraz kożdy łeboń chce skokać tak jak Małysz. Jadymy ze synkami z klasy do Istebnyj, to łobejrzymy, jak tam teraz wyglondo ta skocznia w Malince. Myśla tyż, że nom pogoda spasuje i se pojeżdża na tych nowych nartach, kere żeście mi na dzieciątko dali.

› przeczytaj cały artykuł   › komentarze [0]

---