24 maja 2012

Znak zodiaku: Bliźnięta
(23.05 - 21.06)
» horoskop dla Bliźnięta

Pogoda dla:Rybnik [ zmień miasto ]

DziśJutro

2114°C

186°C

Imieniny:
Maria, Wincenty, Milena
» złóż życzenia

Przeszukaj: internet artykuły katalog firm

Branża:

Utwórz kanał RSS: artykuły

Zapisz się na newsletter, który otrzymasz na adres e-mail: wysyłaj:

Zaloguj się do swojego profilu: [ zapomniałem hasło ]

Nie masz jeszcze konta? Zarejestruj się

Zaloguj poprzez Facebook

Nowiny.Rybnik.pl › Po naszymu › Region › Wydanie: 2010/10 (2746)

Po naszymu

Jako to ze stołym było

10-03-2010

Mom takigo młodego somsiada, co tyn rok bydzie matura skłodoł, a łon jak niy umi czego napisać ze polskigo, to zaroz ku nom przileci, a ło wszystek sie pyto mojij cery abo mie. Dycki i godo, że to isto bydzie pamiyntać, bo je dziepiyro pora lot, jak liceum skończyła, a mie sie podchlybio, że niby fajnie godom a mondrze pisza i jak tu takimu niy pomoc? Tyn gizd wiy, że jo mu przoła łod malutkości, bezto to wykorzystuje!
Ze dwa dni tymu nazod przilecioł z nowom brymzom. Padoł, że mo napisać ło stole.
– Tak yno ło stole? – dziwowałach sie. – Nic wiyncy ta wasza rechtorka niy padała? A ty jak byś to widzioł? – pytałach sie.
– Jo bych chcioł napisać skond sie wzion, ale nic mi do gowy niy przichodzi...
– Wiysz, stoły som roztomańte, podziwej się, choćby u nos w doma: momy elegancki stoł a sześć stołkow polstrowanych we jadalni, kochtisz we kuchyni, a jamnik stoji wele telewizora.
– No to je dzisioj, ale jo bych tak chcioł historycznie, dejmy na to, łod blank starej Grecyji abo łod starego Rzimu...
– Co ty synek chcesz, jak łoni takigo sprzyntu ni mieli! – padałach, a dałach se pozor, co zaś tym gizd wykombinuje.
– Ale skuli czego? Jak myślicie? – wypolił nasz młody somsiod.
Samach musiała kwila pomyśleć, coby mu jakich gupot niy nagodać.
– Jo se myśla, że to je skuli tego, że tam we tych krajach je ciepło – padałach – bezto se możesz siednońć na ziym.
– A nogi se spuścić! Tak godo nasza starka Trudka! – wrzasknoł synek, bo se myśloł, że se śniego szpasy robia.
– Ale gupieloku, jo to myślała poważnie, siedniesz se na ziym a jodło se postawisz wele siebie, a jak ci się zmierznie, możesz se wele misek legnońć.
Kaj zaś było zima, ludzie siodali na kamiyniu abo na pnioczku, to znaczy, że stołek już mieli, a potym jak im im gorkie jodło na szłapy spadło, to na to prziszli, żeby se trza było jaki stoł zrychtować!
– Jakie to je proste! – synek sie prasnoł rynkom we czoło a polecioł do dom.
Jak żech dzisio rano szła ze łosiedlowego sklepu słysza, ze kieryś woło za mnom: – Pani somsiadko, pani somsiadko, szejść, żech dostoł ze zadanio, wielki dziynki! Nasza belferka tyż padała, że to je ciekawo teoryjo, a pytała sie, skond żech jom wzion. Padołech, że to wymyślił taki jedyn ruski uczony Pietruszkin!
Tak to jo łostała ruskim uczonym, a synek nojwiynkszym we klasie szprymokiym!